तर्कामृतं जगदीशतर्कालङ्कारविरचितं स्वल्पयासेन न्यायशास्त्रे प्रवेशाय निरुपमम् । बालानां सुखबोधाय निंबद्धोऽयं ग्रन्थः यद्यपि लघुकलेवरः परमत्र न्यायवैशेषिकदर्शनयोः सारभूताः सिद्धान्तमुक्ताः साधु गुम्फिताः राजन्ते ।

निरुपमस्यास्य तर्कामृतस्य व्याख्यानानि अङ्गुलिपरिगणनीयानि सन्ति परमेतेषु व्याख्यानेषु सर्वथा प्रामाणिकं व्याख्यानं श्रीगङ्गारामजडीनामकेन सुधिया अष्टादशशताब्दद्यां विहितं पाण्डुलिि परूपेण मया वाराणस्यां साङ्गवेदविद्यालये समासादितम् । अनेन विदुषा कृतेयं व्याख्या चषकनामधेया आस्ते । चषकव्याख्यायाः स्वयमेवानेन सुधिया विहितं व्याख्यानं चषकतात्पर्यटीकानामधेयं विद्यते । पाण्डुलि-ि परूपेण प्राप्ताया मुकुन्द भट्टकृतायाः तर्कामृततरङ्गिण्या अपि ग्रन्थेऽस्मिन् एकत्र विहितं सम्पादनं नूनं विदुषां मनांसि रञ्जयिष्यति ।

एवं तर्कामृतमिदं न्यायशास्त्रे व्युत्पत्तिं कामयमानानां नूनमुपकरिष्यतीति दृढः समाश्वासः ।